التفكير الزائد .. مرض العصر Overthinking – الحلول خطوة بخطوة

التفكير الزائد .. مرض العصر Overthinking

احيانا بتعدى علينا مواقف كتير فى حياتنا محتاجه تفكير كويس فيها لانها ممكن تأثر على حياتنا بعد كده سواء استثمار فى مشروع او اختيار شريك حياه على سبيل المثال

ولانها قرارات ممكن تأثر على مستقبلنا بيبقا طبيعى نوقف عندها ونفكر فيها بشكل اكبر شويه

لكن اللى مش عادى ولا طبيعى ان التفكير بفضل شاغلك طول الوقت لدرجه انه يأثر على حياتك وعلى صحتك وعلى نومك وحتى علاقاتك الاجتماعيه وجوانب الحياه عموما ومش بس تفكير فى القرارات المصيريه لا التفكير كمان فى اصغر امور حياتنا بنفس الشكل المبالغ فيه بدون الوصول لقرار حاسم فيها

يعنى لو محتار بين اختيارين هتفضل غرقان فى التفكير ومش هتوصل للاختيار الافضل ولو استعنت بحد يساعدك وساعدك فعلا مش هتقتنع برأيه بردو وهتفضل تفكر

ناس كتير فاهمه ان ال over thinking ده مرض نفسي لكن الحقيقه انه مش مرض نفسي ولا حاجه

ولكن هو سلوك نفسى خاطئ بيترتب عليه مشاكل نفسيه كتير لو متعاملناش معاه بشكل سليم

فى ال over thinking انت بتستغرق وقتك فة التفكير فى المشكله وعواقبها بدون التفكير او الوصول لحل ليها وبتستخدم عواطفك بشكل سلبى يغرقك فى المشكله اكتر بدون ما تلاقى حل ليها وهنا الفرق بين ال over thinking وبين ان يكون عندك مهاره حل المشكلات وانك تستخدم التفكير العقلانى المنطقى علشان تلاقى حل ايجابى للمشكله

من اهم اسباب ال over thinking هو الضغط النفسي الضغط النفسي ممكن يسبب مشاكل واعراض نفسيه وجسديه كتير جدا من ضمنها ال over thinking

كمان القلق والخوف من المستقبل واساليب التربيه الخاطئه فى مرحله الطفوله والصدمات الحياتيه واحيانا ممكن تكون الاضطرابات النفسيه هى السبب فى ال over thinking

ال over thinking ممكن يكون موجود عند كل الفئات العمريه خاصه من سن العشرينات وحتى السبعينات ولكن هو بينتشر بشكل اكبر بين السيدات اكتر من الرجال

ال over thinking بيسبب صعوبه فى النوم وممكن يوصل كمان للارق

كمان تحس بفقدان الشغف لان طاقتك ومشاعرك هيتم استنزافها فى التفكير ده غير الضغط النفسى والتشتت والتردد فى اغلب القرارات والتشاؤم والسلبيه والتركيز بس على الجوانب السلبيه وتجاهل اى جانب ايجابى وللجوء لاى حيل علشان تهرب من الواقع غير ان احتماليه الاصابه بالقلق الاجتماعى والاكتئاب والوسواس القهرى والارق واضطرابات النوم بتكون اكبر فى حاله ال over thinking

#over_thinking  #زينب_ابراهيم  #المؤسسة_النفسية_المصرية_EPF