الاضطراب الوهامى – الاعراض وطرق العلاج

الاضطراب الوهامى – الاعراض وطرق العلاج

الاوهام عموما هى عرض ضمن اعراض الفصام او ممكن يكون ضمن اعراض اى مرض ذهانى تانى شرط توافر باقى اعراض الاضطراب الاخرى

لكن ممكن يجى بشكل منفصل اسمه الاضطراب الوهامى وبيكون اوهام فقط الشخص حياته بتكون ماشيه وبينجز فى شغله وبيمارس حياته طبيعيه لكن الاوهام اللى عنده خط احمر هو مقتنع بيها جدا واى حد هيناقشه فيها عدوه وغلط

اضطراب الوهام نسبه المصابين بيه بتكون قليله شويه مقارنه بباقى الاضطرابات وليه كذا شكل من الاوهام فى اوهام جسديه ان حد سرق اعضائه الداخليه او الاضطهاد ان فى حد عايز يأذيه وبيراقبه الشك والغيره ان مراته بتخونه العظمه انه اشطر وافضل حد وانه مرسول من ربنا او ان فى حد من المشاهير بيحبه او شخص بيحبه فى السر

الاوهام دى موجوده ضمن اعراض الفصام لكن متوافر معاها اعراض تانيه علشان تتشخص انها فصام لكن الوهام مش موجود فيه غير الاوهام بس من اعراض الفصام وزى ماقولت الشخص بيقوم بمهامه اليوميه وبيشتغل عادى

طبعا اقناعه بالعلاج صعب جدا علشان كده ماتحاولش اصلا انك تتكلم معاه فى افكاره او تجادله فيها ممكن نتكلم معاه ان نفسيته تعبانه نتيجه الضغوطات اللى هو فيها دى لان الاوهام دى والافكار دى اصلا بتسبب ليه ضغط نفسى شديد وايه رأيك نروح لمتخصص علشان نفسيتك تهدى شويه وتوجهه لحد شاطر ومتخصص لان مش اى حد بيقدر يتعامل مع الاضطراب الوهامى وبياخد وقت طويل فى العلاج

#الاضطراب_الوهامى  #زينب_ابراهيم  #المؤسسة_النفسية_المصرية_EPF