العلاقات السامة – مواصفات العلاقة السامة وكيفية التعامل معها خطوة بخطوة

مصطلح شهير جدا وبنسمعه كتير خصوصا على السوشيال ميديا

معناها العلاقه اللى بينك وبين شخص تانى وبتسببلك اذى نفسى ومش بتكون قادر تكمل فيها وفى نفس الوقت مش قادر تنهى العلاقه

ممكن تكون علاقه فيها طرف بيستغل الطرف التانى وبيحاول يفرض سيطرته عليه

• او يكون فى طرف بيراعى مشاعر الطرف التانى وبيهتم بيه وفى المقابل مفيش
• او يكون فى طرف بيسخر ويقلل دايما من الطرف التانى وان وجوده فى حياته نعمه لازم يشكر ربنا عليها كل يوم
• او يكون فى طرف نرجسى وبيحب نفسه وبس

مواصفات العلاقة السامة

ممكن يستغل اى حد علشان يوصل للى عايزه ويحقق مصلحته فقط، دايما بيشتكى وشايف نفسه مظلوم واللى حواليه هما اللى ظلمينه، عايز يلفت الانتباه طول الوقت ودايما عايش دور الضحيه، شخص حسود وبيمتص المشاعر الايجابيه ويقلل منها كمان وينشر مكانها مشاعر سلبيه، عايز يفرض سيطرته طول الوقت ويكون هو المتحكم، بيزعل لو شاف اللى حواليه مبسوطين

الشخص التوكسيك هيخليك طول الوقت تسأل نفسك

• انا استاهل كده ؟
• هو انا ماتحبش ؟

فى العلاقات دى بتلاقى نفسك بتعمل كل حاجه وبتيجى على نفسك علشان تكمل ومفيش فايده والطرف التانى مش بيكون فارق معاه اصلا بل ممكن يكون مستمتع كمان وهو شايفك بتعانى ومتضرر نفسياً

ومش شرط تكون بين اتنين متزوجين او اتنين بيحبوا بعض

ممكن تكون بينك وبين اهلك، صحابك، زمايلك فى الشغل

اى علاقه هتحس فيها انك قلقان ومكتئب وحزين طول الوقت، تحس بتوتر وان شخصيتك بتتلغى ، تحس بالنقص او ان ثقتك بنفسك مبقيتش موجوده

انت كده فى “العلاقات السامة” او علاقه توكسيك .

طريقة التعامل مع العلاقة السامة ؟

1. حاول تتكلم مع الطرف المؤذي وتوضحله إيه اللي بيزعجك من العلاقة، وتحاولوا إنكوا تلاقوا حل ليه
2. لو ملقتوش حل فالأحسن إنك تخرج منها لأن كل ما تكون موجود فيها ده هيأذيك جامد
3. حاول يكون حواليك دايره من الناس اللي بتدعمك ووجودها مُريح
4. واملى الوقت اللي كان ماليه الشخص التوكسيك بحاجه تانيه أو إنك تتعلم مهارة جديدة هيساعدك وهيشغل وقتك بحيث إنك متلاقيش وقت تفكر في العلاقة تانى

#العلاقات_السامه  #زينب_ابراهيم  #المؤسسة_النفسية_المصرية_EPF